ام ټي ان ګروپ خپل «موږ سره یو ځای ښه یو» نوښت وغځاوه

ام ټي ان ګروپ خپل «موږ سره یو ځای ښه یو» نوښت وغځاوه

جهانسبورګ- ام ټي ان ګروپ د AfroChampions’ دوهم کنفرانس څخه چې د رونډا هېواد په Kigali کې د دوامداره رشد او صنعتي کېدو لپاره جوړیږي ملاتړ کوي.

دا کنفرانس چې د اکټوبر میاشتې له 8 څخه تر 11  نېټې پورې تر سره شو آساسي موخه یې د افریقا په لویه وچه کې د دوامداره رشد او صنعتي کېدو د ګډو همکاریو او مرستو جلبول وو.

د ام ټي ان ګروپ عمومي رییس Rob Shuter په دې کنفرانس کې د ګډې همکارۍ په اړه وویل:  له 25 کلونو راپدېخوا ام ټي ان دا فرصت تر لاسه کړی دی چې په هغو هېوادونو کې چې مخابراتي خدمتونه وړاندې کوي د ژوند د سطحې  لوړول د خپل تل پاتې میراث په توګه پرېږدي. موږ سره یو ځای ښه یوو نوښت د ام ټي ان لپاره یو بل فرصت دی چې د افریقا لویې وچې د اقتصادي غوړېدا په برخه کې خپل رول ادا کړي

Shuter د خپلو خبرو په دوام وویل: ام ټي ان په افریقا کې په شته ظرفیتونو باور لري او د دې سیمې خلک د سوداګرۍ، ګډو هڅو او همکارۍ په برخه کې د پام وړ تجربه لري. په راتلونکي کې به د افریقا لویه وچه د آزاد تجارت او AfroChampions کنفرانس له لارې وکولای شي د توکو د لېږد رالېږد په برخه کې مثبت بدلونه رامنځته کړي چې په پایله کې به یې اقتصادي چارې لا ګړندۍ او خلکو د ژوند سطحه به لوړه شي.

د ام ټي ان ګروپ په اړه:

ام ټي ان ګروپ په 1994 م کال کې په کار پیل وکړ، د مخکښې مخابراتي شبکې په توګه یې د افریقا او منځني ختیځ په 21 هېوادونو کې خپل 240 میلیونه پیرودونکي د روښانه دید په لرلو سره له دیجیټل نړۍ سره نښلولي دي. موږ باور لرو چې هر څوک د ډیجیټل نړۍ له اسانتیاوو څخه د ګټې اخیستلو حق لري. ام ټي ان ګروپ د سویلي افریقا د ونډو په بازار کې د “MTN” په ګډ کوډ سره ثبت دی. موږ د خپلې BRIGHT ستراتیژۍ له مخې ډېر تمرکز د انټرنټ او ډیجیټل سوداګرۍ پر وده کوو.

ام ټي ان ګروپ په عاج ساحل هېواد کې د ام ټي ان د څانګې لپاره نوی رییس په دنده وګوماره

ام ټي ان ګروپ په عاج ساحل هېواد کې د ام ټي ان د څانګې لپاره نوی رییس په دنده وګوماره

ام ټي ان خوښ دی چې په عاج ساحل کې یې د ام ټي ان څانګې لپاره Djibril Ouattara د عمومي رییس په توګه وټاکله نوموړی به د 2019 کال د نومبر میاشتې په لومړۍ نېټه خپله دنده پیل کړي. پخوانی عمومي رییس Freddy Tchala به د سپټمبر په میاشت کې خپله دنده پرېږدي.

Djibril  د مخابراتو په برخه کې د 15 کلنې تجربې په لرلو سره یو آزمایل شوې څېره ده. په نږدې وختونو کې هغه په کانګو هېواد کې د ام ټي ان د رییس په توګه وکولای شول چې د دې کمپنۍ روښانه ستراتیژي په غوره ډول عملي کړي. د نوموړي په هڅو په شبکه کې د مثبتو بدلونو د رامنځته کولو په سبب د ام ټي ان کانګو د دوهم کال لپاره په مسلسل ډول د غوره شبکې ډالۍ تر لاسه کړه. سر بېره  پر دې، هغه د مومو خدمت د پرمختګ په برخه کې په دوو کلونو کې لږ تر لږه 53 سلنه بازار د مومو د خدمتونو تر پوښښ لاندې راوستلی دی. Djibril په افریقا، امریکا او اروپا کې دندې تر سره کړې دي. مخکې له دې چې هغه له ام ټي ان سره دنده پیل کړي هغه د عاج ساحل د Canal Plus  او  د Atlantique Togo اتصالات شبکې د عمومي رییس په توګه دنده تر سره کړې ده. نومړي د MBA سند له د امریکا متحده ایالتونو د MIT-Sloan څخه تر لاسه کړی او د عاج ساحل د ENSIA-INSET پوهنتون څخه یې د انجینرۍ سند تر لاسه کړی دی. د ام ټي ان کانګو اوسنی  د معلوماتو او تخنیکي برخې مسوول به د نوې رییس تر ټاکلو کېدو پورې د ام ټي ان کانګو د سرپرست رییس په توګه دنده تر سره کړي.

د ام ټي ان ګروپ په اړه:

ام ټي ان ګروپ په 1994 م کال کې په کار پیل وکړ، د مخکښې مخابراتي شبکې په توګه یې د افریقا او منځني ختیځ په 21 هېوادونو کې خپل 240 میلیونه پیرودونکي د روښانه دید په لرلو سره له دیجیټل نړۍ سره نښلولي دي. موږ باور لرو چې هر څوک د ډیجیټل نړۍ له اسانتیاوو څخه د ګټې اخیستلو حق لري. ام ټي ان ګروپ د سویلي افریقا د ونډو په بازار کې د “MTN” په ګډ کوډ سره ثبت دی. موږ د خپلې BRIGHT ستراتیژۍ له مخې ډېر تمرکز د انټرنټ او ډیجیټل سوداګرۍ پر وده کوو.

 

ام ټي ان ګروپ د رهبرۍ په کچه د بدلونو په اړه خبر ور کړ

ام ټي ان ګروپ د رهبرۍ په کچه د بدلونو په اړه خبر ور کړ

جهانسبورګ- ام ټي ان ګروپ اعلان وکړ چې د ام ټي ان زامبیا اوسنی رییس Philip van Dalsen به د سپټمبر میاشتې په وروستیو کې ام ټي ان پرېږدي. Philip په 2012 کال د قبرس هېواد د ام ټي ان د عمومي رییس په توګه له ام ټي ان سره یو ځای شو او د روان کال د جنورۍ په میاشت کې یې د زامبیا هېواد د ام ټي ان د عمومي رییس په توګه دنده پیل کړه.

د ام ټي ان رونډا عمومي رییس Bart Hofker به د اکټوبر میاشتې له پیل وروسته د Philip van Dalsen په ځای خپله دنده پیل کړي. Hofker د مخابراتي سوداګرۍ په برخه کې ځانګړې تجربه لري.

همدارنګه ام ټي ان اعلان وکړ چې Mitwa Kaemba Ng’ambi د ام ټي ان رونډا د نوې رییسې په توګه ګومارل شوې، نوموړې په ام ټي ن بینین کې د بازارموندنې د مشرې او په ام ټي ان زامبیا کې په بیلا بیلو بستونو کار کړی دی چې د مخابراتو په برخه کې د ۱۰ کلنې تجربې په لرلو سره د غوره مخینې، د پرمختګ لپاره د بې جوړې ستراتیژي جوړونکې او په ټیمي کار کې یوه آزمایل شوې مدیره ده.

د یادولو وړ ده چې نوموړې د ګانا د Airtel Tigo کې د عمومي رییسې په توګه دنده تر سره کړې او وړاندې له دې د Tigo Senegal عمومي رییسه وه. Ng’ambi د فنلنډ هېواد له Joensuu پوهنټون څخه په کمپیوټر ساینس کې ماسټري اخیستې او لیسانس سند یې په همدې څانګه کې له نامیبیا پوهنتون څخه تر لاسه کړی.

په Cote d’Ivoire بدلونونه

د ام ټي ان عمومي رییس Freddy Tchala  به د سپټمبر میاشتې په وروستیو کې ام ټي ان پرېږدي. نوموړي د ام ټي ان سره له 17 کلونو را پدېخوا دنده تر سره کوله. د ام ټي ان کامرون له پرېښودلو وروسته نوموړي په ګانا او کانګو هېوادونو کې د عمومي رییس په توګه دنده تر سره کړې ده.

د ام ټي ان ګروپ په اړه:

ام ټي ان ګروپ په 1994 م کال کې په کار پیل وکړ، د مخکښې مخابراتي شبکې په توګه یې د افریقا او منځني ختیځ په 21 هېوادونو کې خپل 240 میلیونه پیرودونکي د روښانه دید په لرلو سره له دیجیټل نړۍ سره نښلولي دي. موږ باور لرو چې هر څوک د ډیجیټل نړۍ له اسانتیاوو څخه د ګټې اخیستلو حق لري. ام ټي ان ګروپ د سویلي افریقا د ونډو په بازار کې د “MTN” په ګډ کوډ سره ثبت دی. موږ د خپلې BRIGHT ستراتیژۍ له مخې ډېر تمرکز د انټرنټ او ډیجیټل سوداګرۍ پر وده کوو.

د لا زیاتو معلوماتو لپاره زموږ سره په اړیکه کې شئ:

Nompilo Morafo on +27 (0) 83 212 4022 | Nompilo.morafo@mtn.com

Karen Byamugisha on +27 (0) 83 214 3685 | Karen.byamugisha@mtn.com

موږ وڅارئ:

www.twitter.com/MTNGroup

www.linkedin.com/company/mtn

ام ټي ان افغانستان د معلوماتي ټکنالوژۍ څیړنیز مرکز پرانیست او د مخابراتو او معلوماتي ټکنالوژۍ انسټیټیوټ په واک کې یې ورکړ

ام ټي ان افغانستان د معلوماتي ټکنالوژۍ څیړنیز مرکز پرانیست او د مخابراتو او معلوماتي ټکنالوژۍ انسټیټیوټ په واک کې یې ورکړ

ام ټي ان افغانستان د خپل یلو 21 ورځني کمپاین په لړ کې چې هر کال په لار اچول کیږي، په کابل کې د مخابراتو او معلوماتي ټکنالوژۍ په انسټیټیوټ کې د «ام ټي ان د معلوماتي ټکنالوژۍ څیړنيز مرکز» په نوم د معلوماتي ټکنالوژۍ یو پرمختللی څیړنیز مرکز جوړ کړ. دغه مرکز په عصري وسایلو لکه، کمپیوټرونه، سرورونه، د انټرنټ د نښلونې عصري سیستم، د ویندوز لایسنس، LED سکرین، پرینټرونه، UPS او د میزونو او څوکیو په ګډون په اړینو توکو سمبال دی.

دغه مرکز د یوې پرتمینې غونډې په ترڅ کې پرانیستل شو چې د مخابراتو او معلوماتي ټکنالوژۍ سرپرست وزیر، د اطلاعاتو او فرهنګ وزارت د ځوانانو چارو معین، د اترا د بورد غړيو، د بیلا بیلو دولتي ادارو رییسانو، د مخابراتو او معلوماتي ټکنالوژۍ د انسټیټیوټ رییس، د ام ټي ان افغانستان عمومي رییس، د ام ټي ان افغانستان د موسسه یي چارو رییس، دولتي چارواکو او سیمه اییزو مشرانو ګډون درلود.

په پیل کې د مخابراتو او معلوماتي ټکنالوژۍ د انسټیټیوټ رییس ښاغلي شفیع شریفي د غونډې ګډونوالو ته د ښه راغلاست ویلو تر څنګ په پرانست غونډه کې د هغوی ګډون وستایه او له ام ټي ان افغانستان څخه یې د څیړنیز مرکز د جوړولو له کبله مننه وکړه او ویې ویل: «دغه مرکز په عصري وسایلو سمبال او د مخابراتي خدمتونو یوه بیلګه ده. یاد ګام چې د ام ټي ان له لوري اخیستل شوی دی زموږ د انسټيټیوټ لپاره یو بې ساری ګام دی.» همدا راز ښاغلي شریفي د غونډې ګډون کوونکو ته د انسټیټیوټ په اړه په لنډه توګه معلومات ورکړل او ویې ویل چې په یاد انسټیټیوټ کې له بیلا بیلو اقشارو او د هیواد له ګوټ ګوټ څخه محصلین زده کړې کوي، همدا رنګه استادان تل هڅه کوي تر څو هغوی ته د معیاري زده کړو زمینه برابره کړي.

وروسته د ام ټي ان مخابراتي شرکت عمومي رئیس ښاغلي عباد رضا خبرې وکړې او ویې ویل: «زما لپاره د ویاړ ځای دی چې په دغه ډول مهمه غونډه کې ګډون کوم او د مخابراتو او معلوماتي ټکنالوژۍ په انسټیټیوټ کې د «ام ټي ان د معلوماتي ټکنالوژۍ څیړنیز مرکز» په نوم د معلوماتي ټکنالوژۍ مرکز پرانیزو. محصیلن په ټوله کې د هېواد اصلي پانګه ده، خو د معلوماتي ټکنالوژۍ د برخې محصلین د مخابراتو په سکتور کې خورا ډېر رول لري.»

موږ د مخابراتي شرکت په توګه یوازې مخابراتي خدمتونه نه وړاندې کوو؛ بلکې تل هڅه کوو تر څو د پوهنې، روغتیا، عامه پوهاوي، لوبو، د ځوانانو په پیاوړتیا او نورو پروګرامونو کې فعاله ونډه واخلو.

دغه راز د اطلاعاتو او فرهنګ وزارت د ځوانانو چارو معین ښاغلي اجمل شاپور هم د غونډې ګډونوالو ته وینا وکړه او ویې ویل: «ام ټي ان افغانستان، افغان ځوانانو ته د بورسیو له لارې د وړیا زده کړو زمینه برابروي، هغوی ته کمپیوټرلبونه او د ظرفیت لوړونې مرکزونه جوړ کړي، له کورنیو بې ځایه شویو او بیا راستنیدونکو سره اړینې مرستې کوي او د ټولنې نور اقشارو د خپلو سخاوتمندانه مرستو تر پوښښ لاندې راولي؛ نو له دې کبله موږ د دغه مخابراتي شرکت له مشرتابه څخه مننه کوو.»

همدارنګه په غونډه کې د مخابراتو او معلوماتي ټکنالوژۍ سرپرست جلالتماب وزیر خبرې وکړې او زیاته یې کړه: «موږ د مخابراتو او معلوماتي ټکنالوژۍ له انسټيټیوټ سره د ام ټي ان افغانستان مرسته ستایو؛ ځکه د هېواد په کچه دا لومړنی انسټیټیوټ دی چې د مخابراتو په برخه کې په لوړ کیفیت او معیاري زده کړو زمینه برابروي. دغه مرکز به له محصلینو سره د څېړنې، ظرفیت لوړولو او د مهارتونو په عملي زده کړه کې رغنده او اساسي رول ولوبوي.»

باید وویل شي چې دغه ډول ټول کمپاینونه د ام ټي ان افغانستان د خیریه بنسټ تر چتر لاندې په لار اچول کېږي. له دې لارې، ام ټي ان د پوهنې، روغتیا او لوی ملي لومړیتوبونه په پام کې نیسي او په هغو کې فعاله ونډه اخلي. د دې تر څنګ ځوانانو ته د بورسیو له لارې د وړیا زده کړو زمینه برابرول، له کورنیو بې ځایه شویو، بیا راستنیدونکو او اړو کورنیو سره د خوراکي توکو، درملو او جامو مرسته، د وینې ورکولو کمپاینونو په لار اچول، له طبیعي پېښو څخه له اغېزمنو شویو کورنیو سره مرسته، د ښوونځیو او جوماتونو بیا رغونه او نورو ټولنیزو خیریه پروګرامونو په لار اچول د یادولو وړ دي.

د ام ټي ان افغانستان مخابراتي شرکت د “وینه ډالۍ کړئ او ژوند وژغورئ” وینې د ډالۍ کولو کمپاین په بریالیتوب سره پیل کړ

د ام ټي ان افغانستان مخابراتي شرکت د “وینه ډالۍ کړئ او ژوند وژغورئ” وینې د ډالۍ کولو کمپاین په بریالیتوب سره پیل کړ

د وینې د ډالۍ کولو دغه کمپاین د 1398 کال د غوایي میاشتې په 2 نېټه چې د 2019 کال د اپریل میاشتې له 22 نېټې سره سمون خوري، د کابل په نوي ښار کې د ام ټي ان افغانستان په مرکزي دفتر کې ترسره شو. د دغه کمپاین اصلي موخه له هغو ناروغانو سره مرسته کول وو چې وینې ورکولو ته ډېره اړتیا لري او د ژوند په هره ستونزمنه شېبه کې زمونږ د وینې سخاوتمندانه ورکړې ته انتظار باسي. همدا راز موږ باید په خپله ټولنه کې د مرستې او د ګډ مسوولیت د احساس کلتور ته وده ورکړو چې موږ پکې ژوند کوو.

د ام ټي ان افغانستان شا او خوا 140 تنو څخه زیاتو کارکوونکو، چې د دغه شرکت د رئیس ښاغلي عباد رضا په ګډون پکې د مختلفو منصبونو کارکوونکو ګډون درلود، په دغه کمپاین کې په داوطلبانه ډول ونډه واخیسته او 70000 سي سي وینه پکې راټوله شوه.

د ام ټي ان افغانستان عمومي رییس ښاغلي عباد رضا د دغه کمپاین پر مهال وویل: د وینې ډالۍ کول زموږ د ژوند تر ټولو ارزښتمنده ډالۍ ده چې موږ یې خپلې ټولنې ته ورکوو او پرته له دې چې الله ج موږ ته د دغې قربانۍ اجر او بدل راکړي، په نړۍ کې بل هېڅ شی نه شي کولای چې د دغې ډالۍ بیه پوره کړي. هغه همدا راز زیاته کړه چې په افغانستان کې له خپلو سوداګریزو فعالیتونو پر مخ بیولو سره سره مونږ دا یو مسوولیت او اخلاقي رسالت ګڼو چې د هغې ټولنې له بېوزله او ناچاره وګړو سره مرسته او ملاتړ وکړو چې موږ پکې فعالیت لرو. نوموړي همدا راز د خپلو خبرو په پای کې د ام ټي ان خیریه بنسټ د فعالیتونو او لرلید او د ټولو هغو کارکوونکو ستاینه وکړه چې په داوطلبانه ډول یې د خپل دیني او اخلاقي مسوولیت په احساسولو سره د وینې ډالۍ کولو په دغه سپېڅلي کمپاین کې ونډه واخیسته.

د ام ټي ان افغانستان خیریه بنسټ له ۵۰۰ بیا راستنیدونکو کورنیو سره د لومړنیو خوراکي توکو، درملو او کمپلو مرسته کوي.

د ام ټي ان افغانستان خیریه بنسټ له ۵۰۰ بیا راستنیدونکو کورنیو سره د لومړنیو خوراکي توکو، درملو او کمپلو مرسته کوي.

د ام ټي ان افغانستان خیریه بنسټ د خپلو بشردوستانه مرستو په لړ کې له ۵۰۰ کډوالو کورنیو سره د لومړنیو خوراکي توکو، درملو او کمپلو مرسته کوي، چې په دې وروستیو کې له ګاونډي هیواد پاکستان څخه هېواد ته راستنېږي. دغه مرستې د افغانستان د کډوالو او بیا راستنیدونکو چارو محترم وزارت او د کډوالۍ د نړیوال سازمان یا (IOM) سره په همغږۍ، په تورخم سیمه کې د یادې ادارې په سیمه ییز دفتر کې پر کډوالو وېشل کېږي، چې وریجې، لوبیا، غوړي، کمپلې، د لومړنیو مرستو اړین توکي او د کډوالو ماشومانو لپاره بیسکویټ پکې شامل دي.

د ام ټي ان افغانستان مخابراتي شرکت د موسسوي چارو رییس ښاغلي هدایت الله زاهد د مرستو د وېش لړۍ د پرانیستې پر مهال وویل چې ام ټي ان افغانستان تل د خپل انساني او ملي رسالت له مخې د اړو هېوادوالو لاسنیوی کړی دی او دا ځل یې هم لازمه وګڼله چې له یو شمېر کډوالو کورنیو سره چې په سختو شرایطو کې هېواد ته را ستنېږي د اړینو توکو مرسته وکړي.

ښاغلي زاهد همداراز زیاته کړه:” ام ټي ان افغانستان د خپلو مخابراتي خدمتونو تر څنګ د خیریه فعالیتونو په لړ کې هم له هېوادوالو سره په بېلا بېلو برخو کې مرسته کړې ده او نوموړی شرکت ژمن دی چې دغه ډول مرستو ته دوام ورکړي.”

همدارنگه د کډوالو او بیا راستنیدونکو چارو وزارت د پلان او پالیسۍ معینیت سرپرست ښاغلي مهر خدا صبار، د یادو مرستو له امله له ام ټي ان افغانستان مخابراتي شرکت څخه مننه وکړه او زیاته یې کړه چې دغه ډول مرستې د کډوالو او بیا راستنیدونکو کورنیو لپاره ډېرې ګټورې دي:” موږ د ام ټي ان افغانستان له مشرتابه په ځانګړي ډول ښاغلي هدایت الله زاهد او د هغه له کاري ټيم څخه مننه کوو چې په دغه ډول حساس وخت کې له کډوالو سره د اړینو توکو مرسته کوي.”

دا لومړی ځل نه دی چې د ام ټي ان افغانستان خیریه بنسټ له بېوزلو او کډوالو کورنیو سره مرسته کوي، د ام ټي ان خیریه بنسټ له دې وړاندې هم له اړو هېوادوالو سره په بېلا بېلو برخو کې مرستې کړې دي، چې له دې جملې څخه د ځوانانو د پیاوړتیا په موخه هغوی ته د زده کړو وړیا فرصتونو برابرول، د کمپیوټرلبونو جوړول، د ښوونځیو د زده کوونکو لپاره د درسي توکو او قرطاسیې چمتو کول، د کتابتونونو جوړول، د ښوونکو د ظرفیت لوړونې په موخه د ښوونیزو سیمینارونو په لار اچول، د پوهنتونونو، ښوونځیو او جوماتو بیارغونه او رنګول، له دارالایتامونو سره مرسته، ناروغانو ته د وینې ورکولو کمپاین، له زلزله ځپلو سره د خوراکي او غیر خوراکي توکو مرسته او د طبیعي پېښو د رامنځته کیدو پر مهال د هېواد بېلا بېلو برخو ته د رضاکارو روغتیایي ډلو استول دیادولو وړ دي.

ام ټي ان افغانستان د افغان ځوانانو لپاره ۵۰۰ نورې وړیا تعلیمي بورسیې برابروي

ام ټي ان افغانستان د افغان ځوانانو لپاره ۵۰۰ نورې وړیا تعلیمي بورسیې برابروي

ام ټي ان افغانستان د ام ټي ان بنسټ تر چتر لاندې۵۰۰ نارینه او ښځینه افغان ځوانانو ته په بېلا بېلو څانګو  کې د وړیا زده کړو موقع برابره کړه. د دې پروګرام اساسي موخه هغو ځوانانو ته د زده کړو د موقع برابرول دي، چې غواړي په بېلا بېلو برخو کې زده کړې و کړي، خو د اقتصادي ستونزو او کم کورني عاید له امله نشي کولای په خپل شخصي لګښت سره خپلو زده کړو ته دوام ور کړي.

دغه پروګرام له پخوا څخه پیل شوی چې ام ټي ان افغانستان بنسټ په دې لړۍ کې په مسلسل ډول د درېیم کال لپاره ۵۰۰ بورسیې د DIT، DBA او DEL په څانګو کې  د یو کلن پروګرام او ۱۰۰ بورسیې د BCS او BBA په څانګو کې د دوه کلن پروګرام لپاره برابرې کړې دي.

یاد پروګرام د اطلاعاتو او فرهنګ وزارت د ځوانانو چارو معینیت، د پوهنې وزارت او د کابل ولایت په ولسوالیو کې د دې وزارت له اړوندو ادارو سره په همغږۍ پيل شو او ۱۵۰۰ کسان د کابل ولایت د بیلا بیلو برخو څخه د یادو محترمو ادارو لخوا په شمولیت ازموینه کې د ګډون لپاره معرفي شول. د شمولیت ازموینه د ۲۰۱۶  کال د اکټوبر میاشتې په ۲۸ مه نېټه د ام ټي ان افغانستان مخابراتي شرکت او شاهین انسټیټیوټ د لوړ پوړو مسوولینو تر څارنې لاندې په مسلکي او شفاف ډول واخیستل شوه.

په پایله کې د ۱۵۰۰ ګډون کوونکو له ډلې څخه ۵۰۰ بریالیو کسانو د معلوماتي ټکنالوژۍ (DIT)، ادارې او تجارت (DBA) او انګلیسي ژبې (DEL) په څانګو کې د یو کلنې دیپلومې تر لاسه کولو لپاره د وړیا زده کړو بورسیې تر لاسه کړې.

د زده کړو دا پروګرام د کابل ښار په شاهین انسټیټیوټ کې چې د پوهنې وزارت او آیسا ادارې څخه د قانوني او معتبرو جوازونو درلودونکی دی د وړ او تجربه لرونکو استادانو لخوا پرمخ وړل کیږي، د یادونې وړ ده چې شاهین انسټیټیوټ د کابل ښار په اتمې ناحیې کې موقعیت لري.

د دې پروګرام د پرانیستې په مراسمو کې د ام ټي ان افغانستان مخابراتي شرکت د موسسه یي چارو محترم رئیس هدایت الله زاهد د ام ټي ام ان افغانستان د اجرایه رییس (CEO) محترم حسن جابر په استازيتوب وویل:

«د ام ټي ان افغانستان مخابراتي شرکت په دې حساس وخت کې د تعلیم او له دې لارې د افغان ځوانانو د پرمختګ د اړتیا په درک کولو سره د زده کړو دې وړیا او معتبر پروګرام ته لومړیتوب ور کړی دی. نوموړي د خپلو خبرو په دوام وویل: ام ټي ان د افغان ځوانانو د روښانه راتلونکي لپاره خپلې ټولې هلې ځلې کوي، ځکه دوی زموږ د هېواد اصلي شتمني ده».

د اطلاعاتو او فرهنګ وزارت د ځوانانو چارو معین محترم ډاکټر کمال سادات د دغه ښوونیز پروګرام د ستاینې تر څنګ وویل: ځوانان زموږ د هېواد راتلونکي رهبران دي او ام ټي ان افغانستان دوی ته د غوره راتلونکي په برابرولو کې مرسته کوي. ښاغلي سادات د خپلو خبرو په دوام وویل:

دا لومړی ځل نه دی چې ام ټي ان ځوانانو ته دا ډول ښوونیز پروګرامونه جوړوي، بلکې ام ټي ان افغانستان له دې وړاندې هم ۲۹۰ تنو په شرایطو برابرو ځوانانو ته په همدې انسټیټیوټ کې د وړیا زده کړو موقع برابره کړې وه چې ښې پایلې یې در لودې.

د یادولو وړ ده چې د ام ټي ان بنسټ د ام ټي ان افغانستان تر چتر لاندې جوړ شوی، چې په بیلا بیلو برخو کې د ټولنې د پرمختګ لپاره کار کوي لکه: د وړیا زده کړو د فرصتونو د برابرولو له لارې د ځوانان پیاوړي کول، د ځوانانو چارو په معینیت کې د ظرفیت لوړولو لپاره په عصري وسایلو مجهز مرکز جوړول، د هرات ولایت د ځوانانو چارو په ریاست کې د ځوانانو لپاره په عصري وسایلو د مجهز کمپیوټر لب (خونې) جوړول.

پر دې سربېره ام ټي ان بنسټ د یتیمانو او د ښوونځیو د ښوونکو لپاره کمپیوټر لبونه ( کمپیوټر خونې) جوړې کړې دي،  د ښوونځیو او پوهنتونونو بیا رغونه او رنګول یې تر سره کړي دي، د ښوونځیو د زده کوونکو لپاره یې وړیا درسي مواد او درسي ټولګي چمتو کړي او په کابل ښار کې یې د کمپیوټر د زده کړې په اړه وړیا سیمینارونه جوړ کړي دي.

د ام ټي ان بنسټ سر بېره پر دې اړو خلکو ته په لاندې برخو کې مرستې کړې دي، د بېلګې په ډول: له ۵۰۰ بیا راستنیدونکو سره د لومړنیو خوراکي او غیر خوراکي توکو مرسته، د کانګو او  تلسیمیا ناروغانو ته د وینې ورکول، د جګړو له امله کورنیو بې ځایه شویو کورنیو ته د ګرمو جامو، کمپلو او نورو اړینو توکو وېشل او نورې مرستې شاملې دي.

همدارنګه د ام ټي ان بنسټ د خپل ۲۱ ورځني کمپاین په لړ کې د جوماتونو، ښوونځیو او پوهنتونو په بیا رغونه او پراختیا کې فعاله ونډه اخلي. دغه کمپاین هر کال د جون میاشتې په ۱ نېټه د ۲۱ ورځو لپاره په ټولو هغو هېوادونو کې په لار اچول کیږي چې ام ټي ان پکې مخابراتي خدمتونه وړاندې کوي.