د ام ټي ان نــوروزي ډالــۍ

 12GB وړیا انټرنټ یــوازې ســتاسو لپــاره!

د ام ټي ان مـــوبایل وپیـــرئ او د پسرلي په هــره میاشت کې 4GB وړیا انټرنټ ترلاسه کړئ.

د خپل وړیا انټرنټ د معلومولو لپاره  #56*789* ډایل کړئ.

نوی کال مو بختور شه

په هرځای کې له تاسو سره

ام ټي ان ګروپ د کرونا ویروس سره د مبارزې لپاره په ټولو هغو هېوادونو کې چې خپل مخابراتي خدمتونو وړاندې کوي د 250 میلیونه افریقایي روپیو مرسته کوي.

ام ټي ان ګروپ د کرونا ویروس سره د مبارزې لپاره په ټولو هغو هېوادونو کې چې خپل مخابراتي خدمتونو وړاندې کوي د 250 میلیونه افریقایي روپیو مرسته کوي.

ام ټي ان ګروپ د کرونا ویروس پر وړاندې د مبارزې لپاره د خپلو 250 میلیونه افریقایي روپیو چې معادل یې (۱ملیارد او ۲۶ میلیونه) افغانۍ کیږي مرستې په اړه جزئیات وړاندې کړل. ام ټي ان ګروپ د خپلو مسوولیتونو په درک کولو سره پر جنوبي افریقا چې د ام ټي ان ګروپ مرکز ده سر بېره په ۲۱ هېوادونو کې چې د کرونا ویروس سره د مبارزې په برخه کې له لویو ستونزو سر لاس او ګریوان دي په ګډه همکاري کوي. ام ټي ان ګروپ د کرونا ویروس سره د مبارزې په برخه کې پنځه عمده کارونه تر سره کړي دي، چې په هغې کې  کارکوونکي، پیرودونکي، زیان منونکې ډلې، د جنوبي افریقا د حکومت د مرستو له صندوق سره همکاري او د صنعت په برخه کې فعاله ونډه اخیستل شامل دي.

د ام ټي ان ګروپ رییس ایمس بیسي جوناس وویل: ” موږ په دې باور یو چې د دې لوی ناورین پر مهال ټول بنسټونه مسوولیت لري او  له دې ناورین څخه د وتلو لپاره باید خپل مسوولیت ادا کړي. ام ټي ان په دې حساسو شرایطو کې په ټوله افریقا او منځني ختیځ کې مخابراتي خدمتونه وړاندې کوي او دا د کارکوونکو، پیرودونکو او کاري شریکانو سره د مرستې په برخه کې یو ارزښتمن ګام دی. ”

موږ په دې باور یو چې صدقه له کور څخه شروع کیږي، نو په همدې آساس ام ټي ان ګروپ پلان لري چې د خپلو نړیوالو کارکوونکو له بیړني صندوق سره د مرستې لپاره ۴۰ میلیونه افریقایي روپۍ را ټولې کړي. دغه مرستې د ډآیرکټرانو، لوړ پوړو مدیرانو او نورو کارکوونکو په همکارۍ را ټولیږي. عمومي رییس، مالي رییس او ځینو ډایرکټرانو ژمنه وکړه چې د خپلو معاشونو ۳۰ سلنه او  د خپل بورډ د راتلونکو درېیو میاشتو فیس به له صندوق سره مرسته کوي. د ام ټي ان ګروپ اجراییوي بورډونه او د جنوبي افریقا ام ټي ان هم له صندوق سره مرسته وکړه. د یادولو وړ ده چې نور کارکوونکي هم کولای شي له صندوق سره مرسته وکړي.

سربېر پر دې ۱۵۰ میلیونه افریقایي روپۍ به د پیرودونکو لپاره د یلو د هیلې په بکسه کې مصرف شي. په دې بکسه کې وړیا لیکلي پیغامونه، د مومو د ځینو معاملو د فیسونو  معاف کول، د اړیکو په شپنیو بکسو  کې تخفیف، د وړیا روغتیایي او ټولنیزو خدمتونو وړاندې کول، ښوونیز سایټونه او پیرودونکو ته د امتیازاتو  ور کول شامل دي.

د ام ټي ان ګروپ عمومي رییس روب شوټر وویل: “اوسمهال په بیلا بیلو کارونو کې زموږ له خدمتونو او ټکنالوژۍ څخه ګټه اخیستل کلیدي رول لري. موږ د میلیونونو خلکو پر ژوند مثبت اغیز لرو او زموږ آساسي تمرکز د شبکې پر فعال ساتلو دی تر څو پیرودونکي و کولای شي په سختو شرایطو کې له خپلو ملګرو سره په اړیکه کې پاتې شي. ”

همدارنګه ام ټي ان په ټولو هغو هېوادونو کې چې خپل مخابراتي خدمتونه وړاندې کوي د ام ټي ان د خیریه بنسټونو د فعالیتونو د پیلولو په حال کې دی تر څو وکولای شي د ټولنې تر ټولو زیات زیان منونکې طبقې سره مرسته وکړي او د امکان تر حده د کرونا ویروس له خپرېدو څخه مخنیوی وشي( د روغتیا وزارت او روغتیایي کارکوونکو د اړتیا وړ طبي وسایل او ټکنالوژیکي خدمتونه د مرستو په بکسو کې شامل دي)؛ همدارنګه لږ تر لږه د ۵۰ میلیونه افریقایي روپیو مرسته به د پوهنتونو او ښوونځیو له زده کوونکو سره درسي موادو ته لاسرسی آسانه کړي.

ام ټي ان په جنوبي افریقا کې د ډموکراسۍ له رامنځته کېدو سره یو ځای جوړ شوی او خپل ټول شته امکانات د خپل هېواد له برکته ګڼي. همدارنګه ام ټي ان ګروپ د جنوبي افریقا د دولت د مرستو له صندوق سره ۱۰ میلیونه افریقایي روپۍ مرسته کوي. ام ټي ان به د خپلې پوهې او زیربنا څخه په بیلا بیلو بڼو د ټولنې له اړمنو خلکو سره د همکارۍ په برخه ګټه واخلي.

د ام ټي ان ګروپ په اړه:

ام ټي ان ګروپ په ۱۹۹۴م کال کې په کار پیل وکړ، د مخکښې مخابراتي شبکې په توګه یې د افریقا او منځني ختیځ په 21 هېوادونو کې خپل پیرودونکي د روښانه دید په لرلو سره له دیجیټل نړۍ سره نښلولي دي. موږ باور لرو چې هر څوک د ډیجیټل نړۍ له اسانتیاوو څخه د ګټې اخیستلو حق لري. ام ټي ان ګروپ د سویلي افریقا د ونډو په بازار کې د “MTN” په ګډ کوډ سره ثبت دی. موږ د خپلې BRIGHT ستراتیژۍ له مخې ډېر تمرکز د انټرنټ او ډیجیټل سوداګرۍ پر وده کوو.

د لا زیاتو معلوماتو لپاره زموږ سره په لاندې پتو اړیکې ونیسئ:

Nompilo Morafo on +27 (0) 83 212 4022 | Nompilo.morafo@mtn.com

Karen Byamugisha on +27 (0) 83 214 3685 | Karen.byamugisha@mtn.com

موږ وڅارئ:

www.twitter.com/MTNGroup

www.linkedin.com/company/mtn

ام ټي ان د یوې لویې وچې د روښانه راتلونکي لپاره خپلې ملګرتیا ته دوام ور کوي

ام ټي ان د یوې لویې وچې د روښانه راتلونکي لپاره خپلې ملګرتیا ته دوام ور کوي

د 25 کلن ګډ کار لمانځل

جهانسبورګ- ام ټي ان ګروپ نن د ( موږ سره یو ځای ښه یو) نوښت پيل وکړ. د دې نوښت موخه  په هغو هېوادونو کې چې ام ټي ان خپل مخابراتي خدمتونه پکې وړاندې کوي ډیجیټل خدمتونو ته د آسانه لاسرسي د برابرولو له لارې د خلکو په ژوند کې مثبت بدلون رامنځته کول، د مالي راکړو ور کړو لپاره د غوره ظرفیت رامنځته کول، د SMEs پیاوړي کول او فعالول، د دندو د فرصتونو رامنځته کول او د یوې پراخ بنسټه ټولنې رامنځته کول دي.

د یوه سر لاري افریقایي شرکت په توګه چې په دې لویه وچه کې ژورې رېښې لري ام ټي ان خلکو ته وښودله چې د غوره سوداګرۍ تر سره کول د شرکت له چارو سر بېره د ټولنیزو نوښتونو د رامنځته کولو لپاره زمینه برابروي.

په افریقا لویه وچه کې د ام ټي ان د رول په اړه د ام ټي ان ګروپ عمومي رییس Rob Shuter وویل: « په افریقا لویه وچه کې د شته ظرفیتونو د مهار او د ځوانانو د وړتیاوو د یقیني کولو لپاره موږ  داسې مناسبو او خوندي ډیجیټل خدمتونو ته اړتیا لرو، چې د د اړتیا وړ ډیجیټل مهارتونو سره مطابقت ولري. دا به په نړیواله سطحه د پراختیا د اجنډا او ملي لومړیتوبونو څخه په غوره توګه ملاتړ وکړي، ام ټي ان په افریقا کې د زیربیناوو په برخه کې د لوی پانګه اچونکي شرکت په توګه غواړي د ګډې همکارۍ او ملګرتیا له لارې د ډیجیټل ظرفیتونه لوړل چټک کړي.»

د مخابراتو نړیوال صنعت د اوږدومهاله موخو د لاسته راوړلو په برخه کې غوره رول لوبولی دی مګر اوس هم اړتیا ده چې ډیجیټل ویشنې سره ونښلول شي او ام ټي ان په دې برخه کې د خپل رول ادا کولو لپاره چمتو دی. له 25 کلونو را پدېخوا ام ټي ان د اقتصاد او ټولنې د ودې په برخه کې غوره همکار پاتې شوی دی. موږ د زیربیناوو په برخه کې ډېر داسې کارونه تر سره کړي دي چې د اقتصاد د ملا تیر تشکیلوي او په لرې پرتو سیمو کې مو خلک یو له بل سره نښلولي دي.

زموږ خدمتونو د اقتصاد د ښه کولو په برخه کې ورځ په ورځ پراخیږي او په دې برخه د دندو د فرصتونو رامنځته کول او د Mobile Money خدمت شامل دی.

د ام ټي ان ګروپ عمومي رییس Shuter وویل: په تیرو 25 کلونو کې موږ د چټک سرعت لرونکې شبکه جوړه کړې چې 560 میلیونه خلک یې یو له بل سره نښلولي دي، 5 میلیونه خلکو ته مو د دندو فرصتونه رامنځته کړي او د ام ټي ان مومو خدمت له لارې مو 30 میلیونه خلکو ته د لویې وچې په کچه د موبایل له لارې  آسانه او کم لګښته مالي خدمتونو ته د لاسرسي زمینه برابره کړې ده.

همدا راز ام ټي ان غواړي  د موبایل ټکنالوژۍ په پیاوړي کولو سره په انلاین ډول زده کړو ته د لاسرسي زمینه برابره کړي.

دا زموږ  موخه ده چې زده کوونکي د علم په ګاڼه سمبال کړو تر څو له فرصتونو څخه ښه ګټه واخلي، د خپل ژوند سطحه لوړه کړي او خپلو هیلو ته ور سیږي.

د ام ټي ان پرمختګ یوازې د افریقا په پرمختګ کې نغښتی دی. د پرمختګ په برخه کې د ملګرتیا معنا دا ده چې په ټولو هغو هېوادونو کې چې موږ مخابراتي خدمتونه پکې وړاندې کوو زموږ مسوولیت دا دی چې ځوانان اقتصادي فرصتونو ته د لاسرسي په برخه کې پیاوړي کړو.

نو پر دې آساس زموږ ډېر تمرکز په هغو کارونو دی چې وښیي موږ په ګډ کومو موخو ته رسیدلای شو تر څو یو ارزښتمن سیستم رامنځته کړو او یوه په ځان بسیا افریقا جوړه کړو.

د ام ټي ان ګروپ په اړه:

ام ټي ان ګروپ په 1994 م کال کې په کار پیل وکړ، د مخکښې مخابراتي شبکې په توګه یې د افریقا او منځني ختیځ په 21 هېوادونو کې خپل 240 میلیونه پیرودونکي د روښانه دید په لرلو سره له دیجیټل نړۍ سره نښلولي دي. موږ باور لرو چې هر څوک د ډیجیټل نړۍ له اسانتیاوو څخه د ګټې اخیستلو حق لري. ام ټي ان ګروپ د سویلي افریقا د ونډو په بازار کې د “MTN” په ګډ کوډ سره ثبت دی. موږ د خپلې BRIGHT ستراتیژۍ له مخې ډېر تمرکز د انټرنټ او ډیجیټل سوداګرۍ پر وده کوو.